“ATASPORT” AVROPA ÇEMPİONLAR LİQASINDA İLK OYUNUNU QƏLƏBƏ İLƏ BAŞA VURDU

02.06.2006 [22:27]
Çap et
A⁺ A^-

AZƏRTAC xəbər verir ki, iyunun 2-də Almaniyanın Berlin şəhərində qadın xokkey komandaları arasında Avropa çempionlar liqasının final oyunlarına start verilmişdir.

Qitənin 8 ən güclü otüstü xokkey klubunun iki yarımqrupda mübarizə apardığı bu mötəbər yarışda ölkəmizi Bakının “Atasport” komandası təmsil edir. Həmin gün “Atasport” klubu Belarusun “Ritm” komandası ilə qarşılaşmış və görüş 2:1 hesabı ilə həmyerlilərimizin - məşqçi Adil Paşayevin yetirmələrinin xeyrinə başa çatmışdır.

“B” qrupunda təmsil olunan “Atasport” iyunun 3-də Şotlandiyanın “Bonaqrass”, iyunun 4-də isə İngiltərənin “Kanterberi” klublarını sınağa çəkəcəkdir.

Qruplarda birinci yeri tutan komandalar qızıl, ikinci yeri tutanlar isə bürünc medal uğrunda yarışacaqlar.