ATƏT-İN DEMOKRATİK TƏSİSATLAR VƏ İNSAN HAQLARI BÜROSUNUN NÜMAYƏNDƏLƏRİ QƏBƏLƏDƏ GÖRÜŞLƏR KEÇİRİBLƏR
AZƏRTAC xəbər verir ki, ATƏT-in Demokratik Təsisatlar və İnsan Haqları Bürosunun seçki müşahidə missiyasını həyata keçirən uzunmüddətli müşahidəçiləri - ingiltərəli Alison Sazerland və almaniyalı Reinhard Bruş Qəbələ Rayon İcra Hakimiyyətində və 116 saylı Qəbələ seçki dairəsi dairə seçki komissiyasında görüşlər keçirmişlər.
Rayon icra hakmiyyətinin başçısı Tofiq İbrahimov qonaqlara Qəbələnin tarixi, orada yaşayan əhalinin milli tərkibi, məşğulluğu, rayonun iqtisadiyyatı, kənd təsərrüfatı və digər sahələr barədə ətraflı məlumat vermiş, oktyabrın 15-də keçiriləcək prezident seçkilərinə hazırlıqla əlaqədar yaşayış məntəqələrində görülən işləri diqqətə çatdırmışdır.
Dairə seçki komissiyasının sədri xarici müşahidəçilərin seçki prosesi ilə bağlı suallarını cavablandırmışdır. Bildirilmişdir ki, prezidentliyə namizədliyi qeydə alınmış şəxslər və onların vəkilləri əhali ilə sərbəst görüşlər keçirə bilirlər. Bunun üçün yerlərdə hər cür şərait yaradılmışdır.
Qonaqlar görülmüş işlərdən razı qaldıqlarını bildirmişlər.
Bölmənin digər xəbərləri
