Atmosferə atılan zərərli maddələrin azaldılması ilə bağlı velosiped yürüşü keçirilmişdir
Bakı, 13 oktyabr (AZƏRTAC). Oktyabrın 13-də Ekologiya və Təbii Sərvətlər Nazirliyinin və “Təbiətin dostları” İctimai Birliyinin birgə təşkilatçılığı ilə velosiped yürüşü keçirilmişdir.
Nazirliyin mətbuat xidmətindən AZƏRTAC-a bildirmişlər ki, “Təmiz hava naminə” devizi ilə keçirilən aksiyada 50 nəfərdən artıq velosipedçi iştirak etmişdir.
Yürüşün məqsədi avtomobillərdən atmosfer havasına atılan zərərli maddələrin azaldılmasının təbliği, ictimaiyyətin diqqətini ətraf mühitin mühafizəsinə yönəltmək, həmçinin velosipedin ekoloji cəhətdən ən təmiz nəqliyyat vasitəsi kimi əhəmiyyətini diqqətə çatdırmaq olmuşdur.
Bölmənin digər xəbərləri
