AVARÇƏKMƏ ÜZRƏ “MİNGƏÇEVİR REQATASI” TURNİRİ BAŞLAMIŞDIR
Azərbaycan Milli Avarçəkmə Federasiyasından AZƏRTAC-a bildirmişlər ki, oktyabrın 24-də akademik, kayak və kanoe qayıqlarında avarçəkmə üzrə “Mingəçevir reqatası” start götürmüşdür.
Mingəçevir şəhərindəki “Kür” Təlim-Tədris Mərkəzində keçirilən yarışa 100-dən çox yeniyetmə və gənc avarçəkən qatılmışdır. Onlardan 9-u zərif cinsin nümayəndəsidir.
Üç gün davam edəcək turnirdə akademik avarçəkənlər 2000 metr, kayak və kanoeçilər isə 200, 500 və 1000 metr məsafələrə yürüşdə qüvvələrini sınayacaqlar.
“Mingəçevir reqatası”nın baş hakimi ukraynalı beynəlxalq dərəcəli hakim Mixail Syabrodur.
Bölmənin digər xəbərləri
