AVROPA ÇEMPİONATINA HAVADAN NƏZARƏT EDİLƏCƏK
Xarici informasiya agentliklərindən AZƏRTAC-a daxil olmuş məlumata görə, Portuqaliya hərbi hava qüvvələri iyunun 12-dən iyulun 4-dək keçiriləcək futbol üzrə Avropa çempionatında stadionlar yaxınlığında hava məkanına nəzarət edəcəkdir. Bu tədbir qonşu İspaniyada faciəli hadisələrdən sonra təhlükəsizlik tədbirlərini gücləndirmək məqsədi ilə görüləcəkdir. Stadionlar üzərində hava məkanı hər matçın başlanmasından iki saat əvvəl bağlanacaqdır.
Portuqaliya parlamenti çempionat ərəfəsində davakar azarkeşlər üçün cəzanı xeyli sərtləşdirmək niyyətindədir. Stadionlarda iğtişaşlar törətməkdə günahkar olanları, indiki kimi, cərimə yox, həbs cəzası gözləyəcəkdir.
Bölmənin digər xəbərləri
