AVROPANIN “MARS EXPRESS” PEYKİ MARSDA AMMONYAK TAPMIŞDIR

17.07.2004 [11:38]
Çap et
A⁺ A^-

AZƏRTAC xəbər verir ki, Bi-Bi-Si-nin yaydığı məlumata görə, Avropa Kosmik Agentliyinə məxsus “Mars Express” peyki Mars planetinin atmosferində ammonyak izləri aşkar etmişdir. Bu, həmin planetdə üzvi həyatın olduğuna işarədir. Tədqiqatçıların sözlərinə görə, Mars atmosferində ammonyakın izləri haqqında ilk məlumat bu yaxınlarda “Mars Ekpress” orbital stansiyasında quraşdırılmış Furye planetar spektrometrindən alınmışdır. Ammonyak xətləri planetin spektrlərində müşahidə olunmuşdur.

ABŞ-ın Milli Aeronavtika və Kosmik Fəzanın Tədqiqi Agentliyinin planetoloqlarından birinin fikrincə, Marsın atmosferində ammonyakın aşkar edilməsi burada həyat əlamətlərinin olduğunu birmənalı şəkildə göstərir. Spektrometrin işinə cavabdeh olan professor Vittorio Formizano gələn həftə Parisdə açılacaq beynəlxalq konfransda bununla bağlı yeni məlumatları açıqlayacaqdır. Ammonyak atmosferdə müəyyən müddət ərzində mövcud olmağa qadirdir. Həmin qaz atmosferə iki yolla: ya fəal vulkanlar, - onlar Marsda hələlik aşkar edilməmişdir, - ya da mikrobların fəaliyyəti vasitəsilə daxil ola bilər.

AVROPANIN “MARS EXPRESS” PEYKİ MARSDA AMMONYAK TAPMIŞDIR

MÜƏLLİFLƏ ƏLAQƏ

Bölmənin digər xəbərləri