Ayaz Mirzəyev: Tələblər yerinə yetirilənə qədər bu haqlı etirazlar davam edəcək
Şuşa, 19 dekabr, Elmir Səftərov, AZƏRTAC
Aksiya iştirakçılarının tələbləri yerinə yetirilənə qədər bu haqlı etirazlar davam edəcək. Burada iştirak edən hər kəsin məqsədi və məramı aydındır. Tələb edirik ki, Xankəndidə qızıl yataqlarının istismarına son qoyulsun. Eyni zamanda, həmin əraziyə Azərbaycanın müvafiq dövlət qurumlarının monitorinq qrupunun getməsinə şərait yaradılsın. Buna baxmayaraq, tam hüquqi olan tələblərimiz hələ də yerinə yetirilməyib. Bu səbəbdən də aksiya iştirakçıları sona qədər haqlı tələblərini səsləndirəcəklər.
Bu fikirləri AZƏRTAC-a müsahibəsində “Azərbaycan Jurnalistlər Şəbəkəsi” İctimai Birliyinin sədri Ayaz Mirzəyev söyləyib.
QHT sədrinin fikirlərinə görə, bəzi erməniyönümlü saytlar məlumat yayırlar ki, guya Laçın- Xankəndi yolunda humanitar böhran yaranıb, yol bağlanıb. Amma bu fikirlər reallığı əks etdirmir. Çünki aksiya başlayan gündən etibarən humanitar məqsədlə bu yoldan xeyli avtomobil maneəsiz şəkildə keçib. Belə ki, bu gün səhər sülhməramlılardan birinin ailəsi bu yoldan sərbəst şəkildə keçdi.
Bölmənin digər xəbərləri
