Aynur Sofiyeva: İlham Əliyevin diqqət və qayğısı sayəsində şahmatdakı uğurlarımız hər gün artır
Bakı, 14 oktyabr, AZƏRTAC
“Prezident İlham Əliyevin diqqət və qayğısı sayəsində idmanda qazanılan nəticələr göz önündədir”.
Bu sözləri AZƏRTAC-a açıqlamasında Azərbaycanın və İslam dünyasının ilk beynəlxalq qadın qrosmeysteri Aynur Sofiyeva İlham Əliyevin Azərbaycan Prezidenti seçilməsinin 20-ci ildönümü ilə bağlı danışarkən deyib.
O bildirib ki, İlham Əliyevin hakimiyyətə gəlməsindən sonra Azərbaycan idmançılarının beynəlxalq səviyyədə qazandığı nailiyyətlər, medal sayı ildən-ilə artır: “Bütün bunlar bizi sevindirir və qürurlandırır. Azərbaycan bu gün bir çox beynəlxalq və nüfuzlu tədbirə yüksək səviyyədə ev sahibliyi edir. Bunların hamısı beynəlxalq aləmdə yüksək qiymətləndirilir. Burada Birinci vitse-prezident Mehriban Əliyevanın da əməyini xüsusi qeyd etmək lazımdır. Çünki ölkəmizdə keçirilən bir çox beynəlxalq yarışlarda təşkilatçılıq baxımından hər şey yüksək səviyyədə aparılır”.
A.Sofiyevanın sözlərinə görə, bu gün Azərbaycan şahmat məktəbi də dünyada öz sözünü deyir: “Ölkə başçısının şahmata göstərdiyi diqqət və qayğı nəticəsində uğurlarımız hər gün artır. Bakıda keçirilmiş Dünya Kuboku zamanı Beynəlxalq Şahmat Federasiyasının (FİDE) prezidenti və bir sıra xarici qonaqlarla söhbətlərdə Azərbaycan şahmatçılarının dünyada yüksək hörmətə sahib olduqlarını gördük. Bununla yanaşı, FIDE-də Azərbaycan Şahmat Federasiyasının yüksək nüfuzu var. Bütün bunların hamısı dövlətimizin bu sahəyə göstərdiyi qayğının və gənc şahmatçılarımızın bacarığının nəticəsidir”.
Bölmənin digər xəbərləri
