AZADLIQ MEYDANINDA ASFALT ÜZƏRİNDƏ “DÜNYA UŞAQLARIN GÖZÜ İLƏ” RƏSM-SƏRGİ KEÇİRİLMİŞDİR
Tədbirdə Bakı Şəhər Mədəniyyət və Turizm İdarəsinin rəisi Həsənağa Qurbanov, Səbail Rayon İcra Hakimiyyətinin, orta məktəblərin, ictimaiyyətin nümayəndələrinin iştirak etdiyi rəsm yarışmasında S.Bəhlulzadə adına uşaq rəsm studiyası, Bakı Şəhər İncəsənət Mərkəzinin “Günəş” studiyası, 1, 3 və 5 nömrəli uşaq incəsənət məktəbləri, R.Behbudov adına 2 nömrəli musiqi məktəbi və başqa kollektivlərin şagirdləri bacarıqlarını nümayiş etdirmişlər.
Rəsm əsərlərinin əsas mövzusunu Qarabağ təşkil edirdi. “Qanımız yerdə qalmayacaq!”, “Qarabağ bizimdir!”, “Qarabağ bizim olacaq!”, “Qarabağı azad görmək istəyirəm!”, “And yerimiz Qarabağ”, “Qarabağı sülh yolu ilə”, “Xocalı”, “Bayrağımız Qarabağda”, “Qarabağın sülh göyərçini”, “Qarabağ sülh içində” rəsmlərində uşaqlar problemə öz münasibətlərini bildirdilər.
Bölmənin digər xəbərləri
