AZƏRBAYCAN ATLETLƏRİ AVROPA KUBOKU YARIŞLARINDA İKİ QIZIL VƏ GÜMÜŞ MEDAL QAZANMIŞLAR
Azərbaycanın atletika üzrə yığma komandası Slovakiyada başa çatmış Avropa kuboku uğrunda yarışlarda iki qızıl və iki gümüş medala layiq görülmüşdür.
Azərbaycan Atletika Federasiyasından AZƏRTAC-a bildirmişlər ki, Azərbaycan idmançıları arasında Ruslan Abbasov 100 metr məsafəni hamıdan tez qət edərək birinci olmuşdur. R.Abbasov, Ramil Quliyev, Valentin Bulıçev və Pavel Setindən ibarət Azərbaycan yığması estafet yarışında da hamıdan yüksək nəticə göstərərək fəxri kürsünün ən yüksək pilləsinə qalxmışdır.
Ramil Quliyev isə 200 metr məsafəyə qaçışda ikinci olmuşdur. Eyni nəticəni Azərbaycan komandası 400 metr məsafəyə estafet qaçışında göstərmişdir. Qazanılan medalların sayına görə oğlanlardan ibarət Azərbaycan yığması yarışda 8-ci yeri tutmuşdur.
Bölmənin digər xəbərləri
