AZƏRBAYCAN BOKSÇULARI AVROPA BİRİNCİLİYİNDƏ 6 MEDAL QAZANMIŞLAR
AZƏRTAC xəbər verir ki, Azərbaycan boksçuları Bolqarıstanda başa çatmış yeniyetmələr arasında Avropa birinciliyində 6 medala sahib olmuşlar.
Azərbaycan yığmasının heyətində ən yüksək nəticəni Teymur Məmmədov (75 kq) göstərmişdir. Bütün rəqiblərinə qalib gələn T.Məmmədov Avropa çempionu tituluna nail olmuşdu. Yalnız finalda məğlub olmuş Elnur Zeynalov (48 kq) və Tamerlan Abdullayev (57 kq) gümüş, Salman Əlizadə (46 kq), Elvin İsayev (52 kq), Fərid Mansurlu (52 kq) isə bürünc medallar qazanmışlar.
Bölmənin digər xəbərləri
