AZƏRBAYCAN DİZAYNERİ RUSİYA REKLAM AKADEMİYASININ MÜKAFATINA LAYİQ GÖRÜLMÜŞDÜR

17.05.2006 [10:45]
Çap et
A⁺ A^-

AZƏRTAC xəbər verir ki, Beynəlxalq Mətbuat Mərkəzində dizayner İlqar Tahirinin Rusiya Reklam Akademiyası (RRA) tərəfindən mükafatlandırılmasına həsr olunmuş mətbuat konfransı keçirilmişdir.

“Dialoq” adlı XI açıq reklam festivalı çərçivəsində Sankt-Peterburq şəhərində keçirilmiş mərasimdə ölkəmizi təmsil edən Azərbaycan Reklamçılar İttifaqının (ARİ) vitse-prezidenti Tamilla Nağıyeva RRA-nın builki tədbirində ilk dəfə olaraq, MDB ölkələri üzrə ən yaxşı reklam müəllifləri üçün “Birlik” mükafatı təsis edildiyini diqqətə çatdırmışdır. Bildirilmişdir ki, ölkəmizi müsabiqədə ittifaq tərəfindən “Memar SS”, “SS Production”, “Xətt” və “MaxMedia” reklam şirkətlərində fəaliyyət göstərən dörd əməkdaş təmsil etmiş, qrafika və ekspozisiya dizaynı üzrə nominasiyada RRA-nın “Azərbaycan - 2006-cı ilin ən yaxşı kreatoru” mükafatına “Xətt” reklam agentliyinin dizayneri İlqar Tahiri layiq görülmüşdür.

Mükafat qalibə təqdim olunmuşdur.

Sonda KİV nümayəndələrinin sualları cavablandırılmışdır.