Azərbaycan Dövlət İqtisad Universiteti “Mükəmməl akademik performans” mükafatına layiq görülüb
Bakı, 16 oktyabr, AZƏRTAC
Azərbaycan Dövlət İqtisad Universiteti (UNEC) IAAR (Independent Agency for Accreditation and Rating) tərəfindən “Mükəmməl akademik performans” mükafatına layiq görülüb.
UNEC-dən AZƏRTAC-a bildirilib ki, IAAR Avrasiya Universitetləri Reytinqi (IAAR-EUR) metodologiyası rəqəmsal platforma əsasında hazırlanıb. Reytinq universitetlərin fəaliyyətləri barədə təqdim etdikləri məlumatlar, eyni zamanda, ekspert rəyləri əsasında müəyyən edilir. Reytinqdə akademik göstəricilər 70 faiz, beynəlxalq ekspertlər tərəfindən ali təhsil müəssisələrinin reputasiyasının və işəgötürənlərin rəylərinin qiymətləndirilməsi 30 faiz təşkil edir.
Beynəlxalq IAAR EUR reytinqində əsas meyarlar təhsilin keyfiyyəti (20 faiz), elmi potensial (30 faiz), universitetin beynəlxalq təhsil məkanına inteqrasiyası (20 faiz) və akademik reputasiyadır (30 faiz).
Bölmənin digər xəbərləri
