Azərbaycan Əmmanda keçirilən konfransda təmsil olunmuşdur
Bakı, 4 aprel (AZƏRTAC). İordaniyanın paytaxtı Əmman şəhərində “Orta Şərqin zəlzələ modeli” Beynəlxalq layihəsi çərçivəsində konfrans keçirilmişdir. Pakistan, Türkiyə, İran, Qafqaz, Suriya, Livan və digər Orta Şərq regionu ölkələrindən olan alimlərin iştirakı ilə keçirilən konfransda ölkəmizi AMEA-nın Respublika Seysmoloji Xidmət Mərkəzinin seysmoloji və geodinamik tədqiqatlar şöbəsinin müdiri, geologiya-mineralogiya elmləri doktoru Tahir Məmmədli təmsil etmişdir.
AZƏRTAC xəbər verir ki, konfransda Orta Şərqdə seysmikliyin təzahür xüsusiyyətlərindən danışılmış, seysmik təhlükənin qiymətləndirilməsinə nail olmaq üçün yerlərdə müvafiq məlumatların toplanıb analiz olunması və onların birgə araşdırılması məqsədəuyğun hesab edilmişdir.
Xatırladaq ki, bu layihə çərçivəsində indiyə qədər Türkiyənin İstanbul, Sakariya şəhərlərində, Gürcüstanda konfranslar keçirilmişdir.
Bölmənin digər xəbərləri
