Azərbaycan Gürcüstan iqtisadiyyatına investisiya yatıran ölkələrin siyahısında dördüncüdür
Tbilisi, 9 iyun, AZƏRTAC
Cari ilin birinci rübündə Gürcüstana birbaşa xarici investisiyalar 47,7 faiz artaraq 271,2 milyon dollar təşkil edib.
AZƏRTAC xəbər verir ki, bu barədə Gürcüstanın İqtisadiyyat və Davamlı İnkişaf Nazirliyinin məlumatında deyilir.
Qeyd olunan dövrdə Gürcüstana ən böyük investisiyanı Birləşmiş Krallıq yatırıb. Siyahıda sonrakı pillələrdə ABŞ, Niderland və Azərbaycan dayanır.
Birinci rübdə birbaşa xarici investisiyalar əhəmiyyətli dərəcədə artıb. 2026-cı ilin birinci rübündə ən çox investisiya maliyyə və sığorta fəaliyyəti sektoruna, ardınca isə daşınmaz əmlak, informasiya və rabitə, enerji və ticarət sektorlarına qoyulub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
