Azərbaycan Gürcüstan iqtisadiyyatına sərmayə qoyan ölkələr sırasında dördüncü yerdədir
Tbilisi, 11 sentyabr, AZƏRTAC
Cari ilin ikinci rübündə Gürcüstan iqtisadiyyatına yönəldilən birbaşa xarici investisiyaların həcmi, ilkin hesablamalara görə, 2023-cü ilin aprel-iyun ayları ilə müqayisədə 10,3 faiz artaraq 574,3 milyon dollar təşkil edib.
AZƏRTAC xəbər verir ki, bu barədə Gürcüstan Milli Statistika Xidməti məlumat yayıb.
Bildirilir ki, artım əsasən kapital və borc öhdəlikləri hesabına baş verib. Bu dövrdə təkrar investisiyalar 8,9 faiz azalaraq 451,3 milyon dollar təşkil edib.
Azərbaycan Gürcüstan iqtisadiyyatına investisiya yatıran ölkələr sırasında Böyük Britaniya, Yaponiya və Maltadan sonra dördüncü yerdədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
