Azərbaycan idmançıları Gürcüstanda keçiriləcək dünya çempionatına dəvət olunublar
Tbilisi, 4 fevral, AZƏRTAC
Fevralın 16-da Gürcüstanın Bakuriani bölgəsində ölkə tarixində ilk dəfə olaraq fristayl, xizəksürmə və snoubord idman növləri üzrə dünya çempionatı keçiriləcək.
Bu barədə AZƏRTAC-a Gürcüstan Xizəksürmə Federasiyasından məlumat verilib.
Bildirilib ki, çempionat fevralın 16-dan martın 5-dək davam edəcək. Gürcüstanda ilk dəfə təşkil olunacaq bu çempionatda dünyanın 42 ölkəsindən 700 idmançı iştirak edəcək.
Çempionata Azərbaycandan da idmançılar və bu sahə üzrə mütəxəssislər dəvət olunublar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
