Azərbaycan ilə Sudan arasında qarşılıqlı münasibətlərin mövcud durumu və inkişaf perspektivləri müzakirə olunmuşdur
Bakı, 1 noyabr (AZƏRTAC). Yeni Azərbaycan Partiyası (YAP) sədrini müavini - İcra katibi və Baş nazirin müavini Əli Əhmədov noyabrın 1-də Sudan Prezidentinin köməkçisi, Sudan Milli Konqres Partiyasının sədri Nafiə Əli Nafiə Əhmədin rəhbərliyi altında Azərbaycanda səfərdə olan nümayəndə heyəti ilə görüşmüşdür.
Görüşdə Azərbaycan Respublikası ilə Sudan Respublikası arasında qarşılıqlı münasibətlərin mövcud durumu və inkişaf perspektivləri barədə geniş fikir mübadiləsi aparılmışdır. İki ölkə arasında iqtisadi əlaqələrin genişləndirilməsinin və qarşılıqlı investisiya layihələrinin həyata keçirilməsinin əhəmiyyət kəsb etdiyi vurğulanmışdır.
Söhbət zamanı, Yeni Azərbaycan Partiyası ilə Sudan Milli Konqres Partiyası arasında İCAPP çərçivəsində yaranmış əlaqələrin daha da genişləndirilməsi istiqamətində müzakirələr aparılmış, qarşılıqlı səfərlərin həm partiyalar, həm də ölkələr arasında münasibətlərin daha da inkişaf etdirilməsinə və möhkəmlənməsinə töhfə verəcəyi bildirilmişdir.
YAP İcra katibinin müavinləri Mübariz Qurbanlı və Siyavuş Novruzov görüşdə iştirak etmişlər.
Bölmənin digər xəbərləri
