Azərbaycan ilə Türkiyə arasında hərbi təhsil sahəsində əməkdaşlığın perspektivləri müzakirə olunub
Bakı, 2 oktyabr, AZƏRTAC
Azərbaycan-Türkiyə Yüksək Səviyyəli Hərbi Dialoq İclasının Protokoluna əsasən, Türkiyə Respublikası Silahlı Qüvvələri Quru Qoşunlarının nümayəndə heyəti Bakıda səfərdədir.
Müdafiə Nazirliyinin mətbuat xidmətindən AZƏRTAC-a bildiriblər ki, oktyabrın 2-də Türkiyənin nümayəndə heyəti Azərbaycan Respublikası Silahlı Qüvvələrinin Hərbi Akademiyasında olub. Görüşdə Azərbaycan tərəfindən xarici dil və tərəfdaşlıq mərkəzi, Türkiyə tərəfindən isə quru qoşunlarının dil məktəbi haqqında brifinqlər təqdim olunub. Həmçinin ölkələrimiz arasında hərbi təhsil sahəsində əməkdaşlığın mövcud vəziyyəti və inkişaf perspektivləri müzakirə olunub.
Səfər oktyabrın 5-dək davam edəcək.
Bölmənin digər xəbərləri
