AZƏRBAYCAN KANOEÇİSİ VALENTİN DEMYANENKO DÜNYA KUBOKUNUN III MƏRHƏLƏSİNDƏ FİNALA ÇIXMIŞDIR
Azərbaycan Milli Avarçəkmə Federasiyasının mətbuat xidmətindən AZƏRTAC-a bildirmişlər ki, iyunun 27-də Polşanın Poznan şəhərində kayak və kanoe qayıqlarında avarçəkmə üzrə Dünya Kubokunun III mərhələsinə start verilmişdir.
Yarışda çıxış edən Azərbaycan idmançıları əvvəlcə 200 metrlik məsafəyə yürüşdə qüvvələrini sınamışlar. Kanoeçilərin mübarizəsində Valentin Demyanenko bu məsafəni 41,905 saniyəyə qət edərək, öz qrupunda 8 avarçəkən arasında I yeri tutmuşdur. Bu nəticə ilə həmyerlimiz finala vəsiqə qazanmışdır.
İdmançılarımız bu gün 500 metrlik məsafəyə yürüşdə də mübarizə aparacaqlar.
Bölmənin digər xəbərləri
