AZƏRBAYCAN KİKBOKSÇULARI DÜNYA ÇEMPİONATINA YOLA DÜŞÜRLƏR
Bakı, 19 iyun (AZƏRTAC). İyunun 21-28-də Madriddə WPKA versiyası ilə kikboksinq üzrə dünya çempionatı keçiriləcəkdir. Azərbaycanı çempionatda 34 idmançı təmsil edəcəkdir. 18 kikboksçu yaşlı idmançıların, 16 nəfər isə yeniyetmə və gənclərin turnirində iştirak edəcəkdir.
Yarışlarda səkkizqat dünya çempionu Eduard Məmmədov (60 kq), üçqat dünya çempionu Ehram Məcidov, üçqat dünya çempionu Kamil Şərifov (76 kq), ikiqat dünya çempionu Emil Kərimov kimi adlı-sanlı idmançılar iştirak edəcəklər. Komandanı Kikboksinq Federasiyasının prezidenti, Milli Məclisin deputatı Adil Əliyev, vitse-prezidentlər Güloğlan Cabbarov, Ramiz Quliyev müşayiət edəcəklər.
Yarışlarda 30 ölkədən 700-dək idmançı iştirak edəcəkdir.
Azərbaycan yığması dünya çempionatına hazırlıqla əlaqədar 2 aya yaxın “Məhsul” idman cəmiyyətində təlim-məşq toplanışlarında olmuşdur.
Bölmənin digər xəbərləri
