Azərbaycan Kuboku: “Səbail” böyükhesablı qələbə ilə növbəti mərhələdə
Bakı, 20 dekabr, AZƏRTAC
Futbol üzrə Azərbaycan Kubokunda 1/8 final mərhələsinin növbəti oyunu keçirilib.
AZƏRTAC xəbər verir ki, “ASCO Arena”da “Səbail” və “Şamaxı” komandaları üz-üzə gəliblər. Görüş meydan sahiblərinin 6:0 hesablı qələbəsi ilə yekunlaşıb. “Dənizçilər”in heyətində qolları 23-cü və 45-ci dəqiqələrdə Amil Yunanov, 50-ci dəqiqədə Pedro Nunu, 56-cı və 80-ci dəqiqələrdə Rüfət Abdullazadə və 90+2-ci dəqiqədə Adi Mehremiç vurub.
“Səbail” 1/4 finalda “Zirə” - “Turan Tovuz” cütünün qalibi ilə qarşılaşacaq. Həmin görüş saat 17:00-da başlayacaq.
Qeyd edək ki, daha əvvəl “Sabah”, “Sumqayıt”, “Araz-Naxçıvan” və “Qəbələ” komandaları növbəti raunda adlayıblar. Mərhələnin son iki oyunu dekabrın 21-də keçiriləcək.
Bölmənin digər xəbərləri
