Azərbaycan millisinin sabiq baş məşqçisi mükafatlandırılıb
Bakı, 20 dekabr, AZƏRTAC
Universum Beynəlxalq Kolleci Azərbaycan millisinin sabiq baş məşqçisi Canni de Byazini mükafatlandırıb.
AZƏRTAC xarici KİV-lərə istinadən xəbər verir ki, 67 yaşlı mütəxəssis fəxri doktor adı alıb.
İtaliyalı çalışdırıcı bu mükafata Albaniya millisini 2016-cı ildə Avropa çempionatının final mərhələsinə çıxardığı üçün layiq görülüb.
Kosovonun paytaxtı Priştinada təşkil olunmuş mükafatlandırma mərasimində təəssüratlarını bölüşən mütəxəssis gələcəkdə bu ölkənin yığmasına başçılıq etmək istəyini də gizlətməyib: “Kosovo Futbol Federasiyasının işi xoşuma gəlir. Gələcəkdə bu yığmanın baş məşqçisi olmaq istəyərəm”.
Azərbaycan millisindən ayrılmasına da toxunan baş məşqçi işindən qovulmadığını, vəzifəsini öz istəyilə tərk etdiyini bildirib.
Qeyd edək ki, Canni de Byazi noyabrın 22-də Azərbaycan yığmasından ayrılıb.
Bölmənin digər xəbərləri
