AZƏRBAYCAN NEFTİNİN İXRAC STRATEGİYASI HAZIRLANIR
“Azərbaycan neftinin ixrac strategiyası hazırlanır. Biz elə bir şərait yaratmağa çalışacağıq ki, tranzit neftinin müxtəlif marşrutlarla nəqli şirkətə eyni qiymətə başa gəlsin”. Bunu Azərbaycan Dövlət Neft Şirkətinin prezidenti Natiq Əliyev AZƏRTAC-ın müxbirinə demişdir. Onun sözlərinə görə, Bakı-Tbilisi-Ceyhan əsas ixrac neft kəmərinin istifadəyə verilməsi Azərbaycan neftinin Bakı-Novorossiysk kəməri ilə nəqlinə mane olmayacaq, 2005-ci ildə də şimal kəməri vasitəsi ilə cari ildə nəzərdə tutulduğu qədər - 2,5 milyon ton xam neft ixrac ediləcəkdir.
Hazırda Azərbaycan neftinin bir tonunun nəqli Bakı-Novorossiysk şimal kəməri ilə 15,67, Bakı-Supsa qərb kəməri ilə təqribən 5 dəfə ucuz - 3 ABŞ dollarına başa gəlir.
Bölmənin digər xəbərləri
