ORDU
Azərbaycan Ordusunda “NATO günləri” keçirilir
Bakı, 1 oktyabr, AZƏRTAC
Azərbaycan Ordusunda “NATO günləri” tədbiri keçirilir.
Müdafiə Nazirliyinin mətbuat xidmətindən AZƏRTAC-a bildiriblər ki, NATO-nun Hərbi Tərəfdaşlıq İdarəsinin rəisi, general-mayor Odd Egil Pedersenin rəhbərlik etdiyi nümayəndə heyəti Silahlı Qüvvələrin Hərbi Akademiyası, Heydər Əliyev adına Azərbaycan Ali Hərbi Məktəbini və Hərbi Hava Qüvvələrinin komandanlığını ziyarət edəcək.
Tədbir çərçivəsində zabit və kursant heyəti üçün “NATO-nun strukturu və vəzifələri”, “Azərbaycan-NATO əməkdaşlığı”, “NATO-nun Əməliyyat İmkanları Konsepsiyası”, “NATO və Kibertəhlükəsizlik” və digər mövzularda mühazirələr təqdim olunacaq.
Azərbaycan Ordusunda “NATO günləri” oktyabrın 5-dək davam edəcək.