Azərbaycan poçtu “Qızıl səviyyə” sertifikatına layiq görülmüşdür
Bakı, 18 may (AZƏRTAC). Azərbaycan poçtu bu günlərdə daha bir uğur qazanmışdır. “Azərpoçt” Məhdud Məsuliyyətli Cəmiyyətinin sürətli poçt xidməti 2010-cu ildə ən keyfiyyətli poçt xidmətləri göstərdiyinə görə, dünyanın 203 ölkəsi arasında Ümumdünya Poçt İttifaqının (ÜPİ) təsis etdiyi “Qızıl səviyyə” sertifikatına layiq görülmüşdür.
Rabitə və İnformasiya Texnologiyaları Nazirliyindən AZƏRTAC-a bildirmişlər ki, sertifikat ÜPİ-nin Poçt İstismarı Şurasının İsveçrənin paytaxtı Berndə keçirilmiş yaz sessiyasında bu qurumun Beynəlxalq Bürosunun baş direktoru Eduard Dayan tərəfindən “Azərpoçt” MMC-in nümayəndəsinə təqdim olunmuşdur.
Azərbaycan MDB-yə üzv ölkələr arasında belə yüksək mükafata layiq görülən ilk respublikadır.
Bölmənin digər xəbərləri
