Azərbaycan Premyer Liqası: “Zirə” – “Sumqayıt” oyunu qolsuz heç-heçə ilə başa çatıb
Bakı, 13 fevral, AZƏRTAC
Futbol üzrə Azərbaycan Premyer Liqasında XXII turun növbəti oyunu keçirilib.
AZƏRTAC xəbər verir ki, “Zirə” öz meydanında “Sumqayıt”ı qəbul edib. Qarşılaşmada qalib müəyyənləşməyib.
Bu nəticədən sonra “gənclik şəhəri” təmsilçisi 35 xalla 2-ci, paytaxt klubu isə 32 xalla 4-cü pillədəki mövqeyini qoruyub.
Tura bu gün keçiriləcək “Araz-Naxçıvan” - “Neftçi” oyunu ilə yekun vurulacaq.
Qeyd edək ki, XXII turun açılış matçında “Qarabağ” “Sabah”la məhsuldar heç-heçə edib - 3:3. Digər görüşlərdə “Səbail” “Kəpəz”ə 4:1, “Turan Tovuz” isə “Qəbələ”yə 2:1 hesabı ilə qalib gəlib.
Bölmənin digər xəbərləri
