AZƏRBAYCAN QROSSMEYSTERİ ŞƏHRİYAR MƏMMƏDYAROV DÜNYA ÇEMPİONU RÜSTƏM QASIMCANOVA QALİB GƏLMİŞDİR
AZƏRTAC xəbər verir ki, Bakıda Respublika Şahmat Mərkəzində, Azərbaycanın Müstəqillik gününə həsr olunmuş beynəlxalq şahmat festivalı çərçivəsində Azərbaycan qrossmeysteri Şəhriyar Məmmədyarov və FİDE versiyası ilə 2004-cü ilin dünya çempionu Rüstəm Qasımcanov (Özbəkistan) arasında blits-turnir keçirilmişdir.
10 blits-görüşün yekunlarına əsasən Azərbaycan şahmatçısı 5,5:4,5 hesabı ilə qələbə qazanmışdır. Turnirin şərtlərinə görə, qalibə 2750 avro, Rüstəm Qasımcanova isə 2250 avro məbləğində pul mükafatı təqdim edilmişdir.
Bölmənin digər xəbərləri
