“AZƏRBAYCAN RESPUBLİKASININ DÖVLƏT BAYRAĞI HAQQINDA” QANUN LAYİHƏSİ BİRİNCİ OXUNUŞDA QƏBUL EDİLMİŞDİR
AZƏRTAC xəbər verir ki, Milli Məclisin martın 30-da keçirilmiş iclasında “Azərbaycan Respublikasının dövlət bayrağı haqqında” qanun layihəsi müzakirə olunmuşdur. Parlamentin hüquq siyasəti və dövlət quruculuğu məsələləri daimi komissiyasının sədri Əli Hüseynov demişdir ki, bu qanun Azərbaycan Respublikası dövlət bayrağının istifadə qaydasını müəyyən edir.
Layihədə Azərbaycan Respublikası dövlət bayrağının statusu, bayrağın qaldırıldığı, təsvirinin yerləşdiyi yerlər, rəsmi tədbirlər zamanı istifadəsi, bayram və matəm günlərində qaldırılması (salınması), digər bayraqlarla birgə yerləşdirilməsi (qaldırılması) və digər müddəalar öz əksini tapmışdır.
Geniş müzakirələrdən sonra qanun layihəsi birinci oxunuşda qəbul olunmuşdur.
Bölmənin digər xəbərləri
