RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu,
Ölkənizin milli bayramı - Respublika günü münasibətilə Sizə və Sizin simanızda dost Azərbaycan xalqına səmimi təbriklərimi çatdırıram.
Ölkələrimiz arasında dostcasına qarşılıqlı münasibətlərin Türkmənistan və Azərbaycan xalqlarının rifahı naminə durmadan inkişaf edəcəyinə və möhkəmlənəcəyinə qəti əmin olduğumu bildirirəm.
Fürsətdən istifadə edərək, Sizə səmimi qəlbdən möhkəm cansağlığı, tükənməz həyat enerjisi, dost Azərbaycan xalqına sülh, tərəqqi və rifah arzulayıram.
Hörmətlə,
Qurbanqulu Berdiməhəmmədov
Türkmənistanın Prezidenti