RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu!
Azərbaycan Respublikasının milli bayramının ildönümü mənə Sizi və bütün Azərbaycan xalqını bu əlamətdar hadisə münasibətilə təbrik etmək kimi gözəl imkan verir.
Böyük məmnuniyyətlə vurğulamaq istəyirəm ki, Tacikistan ilə Azərbaycan arasında qarşılıqlı etimad prinsiplərinə və dostluq, hüquq bərabərliyi və qarşılıqlı hörmət ənənələrinə əsaslanan əməkdaşlıq daim genişlənir və dərinləşir. Sizin ölkəmizə rəsmi səfəriniz buna xeyli dərəcədə kömək etmiş, iki xalq və iki ölkə arasında çoxşaxəli əlaqələrin möhkəmlənməsi və dərinləşməsi prosesinə güclü təkan vermişdir.
Hörmətli İlham Heydər oğlu, bu əlamətdar gündə Sizə möhkəm cansağlığı və yeni-yeni uğurlar, dost Azərbaycan xalqına isə sülh və tərəqqi arzulayıram.
Səmimiyyətlə, Sizin
Emoməli Rəhmon
Tacikistan Respublikasının Prezidenti