AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Zati-aliləri!
Yenidən prezident seçkilərində inamlı qələbəniz və Azərbaycan Respublikasının Prezidenti vəzifəsinə seçilməyiniz münasibətilə Koreya Respublikasının hökuməti və xalqı adından Sizə səmimi təbriklərimizi çatdırmaqdan məmnunluq hissi duyuram.
Əminəm ki, hazırkı prezident seçkilərində qələbəniz, Azərbaycanın sabitliyi və tərəqqisi Zati-alilərinin fədakarlığı və rəhbərliyi sayəsində əldə edilmişdir və xalqınızın Sizi tam dəstəkləməsi bunu bir daha təsdiqləyir.
Ölkələrimiz arasında 1992-ci ildə yaranmış diplomatik və dostluq münasibətlərinin davamlı inkişafı haqqında razılıq hissi ilə düşünürəm. Gələcəkdə ölkələrimiz arasında dostluq və əməkdaşlıq münasibətlərinin daha da genişlənməsini, möhkəmlənməsini arzulayaraq, Sizinlə sıx əməkdaşlığımıza ümid edirəm.
Zati-aliləri, Sizə möhkəm cansağlığı, ölkənizə tükənməz tərəqqi diləyirəm.
Li Men Bak
Koreya Respublikasının Prezidenti
Bölmənin digər xəbərləri
