AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident Əliyev!
Yenidən Ali dövlət vəzifəsinə - Azərbaycan Respublikasının Prezidenti seçilməyiniz münasibətilə Sizə ən səmimi təbriklərimi çatdırıram.
Sizin dövlət başçısı mandatınız ölkənin yüksək iqtisadi, siyasi və sosial inkişafı, Azərbaycanın beynəlxalq aləmdə nüfuzunun möhkəmlənməsi ilə üst-üstə düşmüşdür. Eyni zamanda, Sizin şəxsi töhfəniz sayəsində Azərbaycan ilə Rumıniya arasında münasibətlər daim inkişaf etmiş, Qafqaz və Mərkəzi Asiya ölkələri ilə Mərkəzi Avropa ölkələri arasında tərəfdaşlıq nümunəsinə çevrilmişdir.
Mən regionda sülhün, həmrəyliyin və əmin-amanlığın təmin edilməsinə güclü təsir göstərən şəxsiyyətin - Prezident Heydər Əliyevin Azərbaycan Respublikasının rəhbəri olduğu dövrdə ölkələrimiz arasında yaratdığımız əməkdaşlığı məmnuniyyətlə xatırlayıram.
Arzum budur ki, Sizin növbəti mandatınız müddətində də bu münasibətlər xalqlarımızın rifahı naminə, regionumuzda və bütün dünyada sülh və dostluq naminə inkişaf etsin.
Ən səmimi hörmətlə,
Prof. Dr. Emil Konstantinesku
1996-2000-ci illərdə Rumıniyanın Prezidenti
Bölmənin digər xəbərləri
