AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident,
İcazə verin, yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edim. Sizin rəhbərliyiniz altında bu günə kimi əldə olunmuş nailiyyətlərə söykənərək, Azərbaycanın davamlı tərəqqisinin təmin edilməsi sahəsindəki fəaliyyətinizdə Sizə uğurlar arzulayıram.
Bizim Azərbaycandakı fəaliyyətimizə davamlı dəstək verdiyinizə görə Sizə minnətdarlığımı bildirmək istərdim. Sizin atanızın müdrik rəhbərliyi altında “Əsrin müqaviləsi” imzalandıqdan sonra hökumətinizin yaxından əməkdaşlığı sayəsində bp dünya miqyaslı neft və qaz yataqlarını və Xəzərin Azərbaycana aid olan hissəsindəki ixracat infrastrukturunu uğurla inkişaf etdirmişdir.
Biz Azərbaycanın milli neft və qaz sənayesinin və ölkənin bütün sahələrinin inkişaf etdirilməsində Azərbaycanla birgə işləməyə daim hazırıq. Biz Azərbaycanın perspektivi barədə və bir tərəfdaş kimi uzunmüddətli əlaqələrimizin davamlılığı və dövlətinizin gələcəyi haqqında nikbinik.
Bir daha səmimi təbriklərimi qəbul etməyinizi xahiş edirəm.
Endryu İnqlis
bp-nin Kəşfiyyat və hasilat üzrə icraçı direktoru
Bölmənin digər xəbərləri
