AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Əziz İlham Heydər oğlu!
Azərbaycan Respublikasının Prezidenti seçilməyiniz münasibətilə Sizi ürəkdən təbrik edirik!
Bu hadisə münasibətilə həqiqətən Azərbaycanın - Sizin və əlbəttə, Sizin atanız Heydər Əliyevin sayəsində dünyanın ən firavan dövlətlərindən birinə çevrilmiş ölkənin bütün xalqını təbrik etmək lazımdır!
Rusiya və bütün dünya telekanalları ilə göstərilən kadrlarda Sizin prezident seçilməyiniz məlum olandan sonra insanların çöhrəsindəki sevinc hissləri aşkar görünürdü. Heç şübhəsiz, bu xronika Sizə, xalqın həqiqi seçiminə səmimi məhəbbət və hörmət nümunəsi kimi tarixə düşəcəkdir.
Bütün vətəndaşlarınızın rifahı naminə Sizə böyük uğurlar, Sizə və ailənizə uzun ömür və səadət arzulayırıq!
Hörmətli İlham Heydər oğlu, əgər Siz Moskvaya səfərlərinizin birində bizi şərəfləndirib Opera Müğənniliyi Mərkəzinin fəxri qonağı olsanız, özümüzü xoşbəxt sayarıq.
Böyük hörmətlə,
Qalina Vişnevskaya və bütün Rostropoviçlər ailəsi,
Opera Müğənniliyi Mərkəzinin və Mstislav Rostropoviç
Fondunun bütün kollektivi
Bölmənin digər xəbərləri
