AZƏRBAYCAN ŞAGİRDLƏRİ BEYNƏLXALQ MÜSABİQƏ VƏ PROQRAMLARDA UĞURLA İŞTİRAK EDİRLƏR
Tədbirdə HPGBC yarışında üçüncü yeri tutmuş Bakı Zəngi liseyinin iki şagirdinə və yay mövsümündə “Exxon Mobil”, “McDermott Caspian Contractors”, “Statoil Azerbaijan”, “KCA Deutag” və “Bank Nikoil” şirkətlərində “Peşə təcrübəsi proqramı”nda iştirak edən doqquz şagirdə mükafatlar təqdim olunacaqdır.
Təhsil Nazirliyinin, ABŞ-ın Azərbaycandakı səfirliyinin, yerli və beynəlxalq biznes qurumlarının nümayəndələrinin iştirak edəcəyi tədbirdə AGN-nin 2006-cı ildəki fəaliyyəti də müzakirə olunacaqdır.
AGN-nin “Məktəblərdə iqtisadiyyatın tədrisi proqramı” çərçivəsində hər il 150 şagird iqtisadiyyat və biznes sahəsində biliklərini HPGBC yarışında nümayiş etdirir. Təşkilat şagirdlərə tərəfdaş şirkətdə yay təcrübəsi proqramında iştirak etmək imkanı yaradır.
Dünyanın 112 ölkəsində gənclərə biznes, iqtisadiyyat və azad sahibkarlıq mövzularında təlimlər keçən “Junior Achivement” təşkilatına Azərbaycan 2000-ci ildə qoşulmuşdur. AGN-də ötən illər ərzində 25 mindən çox şagird və 300 müəllim təlim keçmişdir.
Bölmənin digər xəbərləri
