AZƏRBAYCAN ŞAHMATÇISI RAUF MƏMMƏDOV “AEROFLOT OPEN” TURNİRİNDƏ İKİNCİ QƏLƏBƏSİNİ QAZANMIŞDIR
Bakı, 24 fevral (AZƏRTAC). Moskvada keçirilən “Aeroflot Open” beynəlxalq turnirində 7 tur oynanılmışdır.
“A1” turnirində mübarizə aparan Azərbaycan şahmatçısı Eltac Səfərli Belarus nümayəndəsi Aleksey Aleksandrovla görüşünü heç-heçə başa vuraraq, 4 xalla 28-ci pilləni tutur. Digər həmyerlimiz Rauf Məmmədov isə polşalı Martsin Dzyubanı məğlubiyyətə uğradaraq, yarışda ikinci qələbəsini qazanmışdır. Bu qələbədən sonra 3,5 xal toplamış R.Məmmədov 37-ci sırada yer almışdır.
“C” turnirində ən yaxşı nəticə göstərən Fidan Ağasıyeva 4,5 xalla 20-ci, “B” turnirində isə Müşfiq Əsgərov (4 xal) 50-ci yerdə qərarlaşmışdır.
Bölmənin digər xəbərləri
