Azərbaycan Stolüstü Tennis Federasiyasına yeni baş katib təyin olunub
Bakı, 29 dekabr, AZƏRTAC
Azərbaycan Stolüstü Tennis Federasiyasına yeni baş katib təyin olunub.
Gənclər və İdman Nazirliyindən AZƏRTAC-a bildiriblər ki, Könül Mikayılova Stolüstü Tennis Federasiyasının baş katibi olacaq.
Qeyd edək ki, Könül Mikayılova 1984-cü ildən stolüstü tennis idman növü ilə məşğul olub. Milli komandanın üzvü olan K.Mikayılova 1997-2000-ci illərdə Suraxanı UGİM-də, 2000-2014-cü illərdə "Neftçi İSM”də məşqçi işləyib. Azərbaycan Stolüstü Tennis Federasiyasında 2009-cu ildən fəaliyyət göstərən K.Mikayılova daha əvvəl təlimatçı və idman şöbəsinin müdiri vəzifələrində çalışıb. O, İdman ustasi, beynəlxalq dərəcəli hakim, Avropa Stolüstü Tennis İttifaqının Gender bərabərliyi komitəsinin üzvüdür.
Bölmənin digər xəbərləri
