Azərbaycan Turizm İnstitutunda Yanvar faciəsinə həsr olumuş “dəyirmi masa” keçirilmişdir
Bakı, 17 yanvar (AZƏRTAC). Azərbaycan Turizm İnstitutunda (ATİ) xalqımızın müstəqillik tarixində qızıl hərflərlə əbədiləşən 20 Yanvar faciəsinin 24-cü ildönümünə həsr olunmuş “dəyirmi masa” keçirilmişdir.
AZƏRTAC xəbər verir ki, “dəyirmi masa”da ATİ-nin rektoru, professor Cəfər Cəfərov Azərbaycan tarixinə “Qanlı Yanvar” kimi daxil olmuş hadisələrdən danışmış, milli azadlıq yolunda canlarından keçmiş Vətən övladlarının öz qanları ilə xalqımızın qəhrəmanlıq salnaməsinə parlaq səhifə yazdıqlarını vurğulamışdır.
ATİ-nin ictimai fənlər kafedrasının dosenti Məhərrəm Zülfüqarlı, beynəlxalq münasibətlər kafedrasının müəllimləri Vidadi Rzayev, Sahib Səfiyev çıxışlarında 20 Yanvar faciəsinə gedən yol, bu faciəyə hüquqi və siyasi qiymətin verilməsində ümummilli lider Heydər Əliyevin tarixi xidmətlərini xüsusi vurğulamışlar.
Qeyd olunmuşdur ki, xalqımızın həmin ağır günlərində Ümummilli Lider Moskvadakı Azərbaycan nümayəndəliyinə gələrək kəskin bəyanatla çıxış etmiş, qanlı hadisələri pisləmiş, buna qəti etirazını bildirmişdir.
Bölmənin digər xəbərləri
