Azərbaycan Üzgüçülük Federasiyasına yeni prezident təyin olunub
Bakı, 18 yanvar, AZƏRTAC
Azərbaycan Üzgüçülük Federasiyasının ümumi yığıncağı keçirilib.
Gənclər və İdman Nazirliyindən AZƏRTAC-a verilən məlumata görə, tədbir Dövlət Himnimizin səsləndirilməsi ilə başlanıb.
Yığıncaqda Azərbaycan Üzgüçülük Federasiyasının İcraiyyə Komitəsinin tərkibi yenidən təsdiq edilib. Baş tutmuş səsvermənin nəticələrinə əsasən növbəti 4 il müddətinə Zaur Əliyev Azərbaycan Üzgüçülük Federasiyasının yeni prezidenti, Xaliq İldırımzadə, Dəyanət Sədullayev və Ümid Abuzərli vitse-prezidentlər, Şamil Əbdürrəhmanov, Eldar Abbasov, Ruslan Ələkbərov, Azər Babayev və Mark Koqanov isə İcraiyyə Komitəsinin üzvləri seçiliblər.
Sonda Zaur Əliyev göstərilən etimada görə təşəkkür edib, bu idman növünün inkişafı üçün əlindən gələni edəcəyini bildirib. Federasiyanın sabiq prezidenti Xanlar Fətiyev yeni federasiya prezidentinə və üzvlərinə uğurlar arzulayıb.
Bölmənin digər xəbərləri
