Azərbaycan voleybol yığmalarının Avropa Qızıl və Gümüş Liqalarındakı oyunlarının təqvimi bəlli olub

10.03.2025 [12:10]
Çap et
A⁺ A^-

Bakı, 10 mart, AZƏRTAC

Voleybol üzrə Avropa Qızıl və Gümüş Liqalarında iştirak edəcək qadınlardan və kişilərdən ibarət Azərbaycan milli komandalarının oyunlarının təqvimi bəlli olub.

Azərbaycan Voleybol Federasiyasından AZƏRTAC-a bildiriblər ki, reqlamentə əsasən, hər iki yarış üç turdan ibarət olacaq. Bütün turların nəticələri bir turnir cədvəlində toplanacaq. Yekunda ilk 4 yeri tutacaq kollektivlər “Dördlər finalı”na yüksələcəklər. Qadınların yarışında 12 ölkənin milli komandası, kişilərin mübarizəsində isə 8 ölkənin seçməsi iştirak edəcək.

Avropa Qızıl Liqasında çıxış edəcək qadınlardan ibarət millimizin rəqibləri Macarıstan, Sloveniya, Slovakiya, Monteneqro, Rumıniya və Xorvatiya seçməsi olacaq.

Avropa Gümüş Liqasında çıxış edəcək kişilərdən ibarət yığmamız isə Gürcüstan, İsveç, Macarıstan, Lüksemburq, Avstriya və Farer adaları komandalarına qarşı mübarizə aparacaq.

Qeyd edək ki, qadınların yarışının ilk turu, kişilərin mübarizəsinin isə ikinci turu Bakıda baş tutacaq.

Azərbaycan yığmalarının oyunlarının təqvimi

Avropa Qızıl Liqası (qadınlar)

I turnir (Azərbaycan)

30 may

18:00. Macarıstan - Azərbaycan

31 may

18:00. Sloveniya – Macarıstan

1 iyun

18:00. Azərbaycan – Sloveniya

İlk turnirin oyunları Gənclər və İdman Nazirliyinin Voleybol Mərkəzində keçiriləcək.

II turnir (Slovakiya)