AZƏRBAYCAN YENİ LAYİHƏYƏ DAXİL EDİLMİŞDİR
Azərbaycan, Quraq Bölgələrdə Kənd Təsərrüfatı Tədqiqatları Beynəlxalq Mərkəzinin (İKARDA) hazırladığı “Su ehtiyatlarından səmərəli istifadə olunması vasitəsilə kəndlərdə həyat səviyyəsinin yüksəldilməsi” layihəsinə daxil edilmişdir. Bu xəbər Azərbaycan Aqrar Elm Mərkəzinə İKARDA-nın Orta Asiyadakı regional mərkəzindən daxil olmuşdur.
Həmin mərkəzdən AZƏRTAC-a bildirmişlər ki, Asiya İnkişaf Bankının maliyyələşdirəcəyi layihə Orta Asiya respublikalarını da əhatə edir.
Fevralın 18-də Daşkənddə bu layihə ilə bağlı seminar keçiriləcəkdir. Həmin tədbirə ölkəmizin müvafiq təşkilatlarının nümayəndələri də dəvət olunmuşlar.
Bölmənin digər xəbərləri
