Azərbaycanda birinci mərhələ üzrə vaksinasiya olunanların sayı 558 min 485 nəfərə bərabərdir
Bakı, 1 aprel, AZƏRTAC
Aprelin 1-də Azərbaycan Respublikasında 31 min 157 nəfər yeni koronavirus (COVID-19) infeksiyasına qarşı vaksinasiya olunub.
Nazirlər Kabineti yanında Operativ Qərargahdan AZƏRTAC-a bildiriblər ki, onlardan birinci mərhələ üzrə vaksinasiya olunanların sayı 10 min 770, ikinci mərhələ üzrə peyvənd vurulanların sayı 20 min 387 nəfər olub.
Hazırkı dövrədək ölkəmizdə vurulan vaksinlərin sayı 856 min 363-ə bərabərdir. Birinci mərhələ üzrə vaksinasiya olunanların sayı 558 min 485, ikinci mərhələ üzrə peyvənd vurulanların sayı 297 min 878 nəfərdir.
Bölmənin digər xəbərləri
