Bakı, 12 avqust, AZƏRTAC

Azərbaycanın 18 yaşadək oğlan və qızlardan ibarət çimərlik voleybolu üzrə milli komandaları Şərqi Avropa Voleybol Zonal Assosiasiyası (EEVZA) çempionatında güclərini sınayacaqlar.

Azərbaycan Voleybol Federasiyasından AZƏRTAC-a verilən məlumata görə, hər iki yığma bu gün yarışın keçiriləcəyi Latviyanın Cesis şəhərinə yola düşüb.

Çimərlik voleybolu üzrə qızlardan və oğlanlardan ibarət komandalarımız 18 yaşlıların (U-18) Şərqi Avropa Voleybol Zonal Assosiasiyası (EEVZA ) çempionatında güclərini sınayacaqlar.

Avqustun 13-dən 15-dək keçiriləcək yarışda ölkəmiz bir qız (Səbinə Əlizadə/Lizi Latsabidze) və bir oğlan (Nəriman Bayramlı/Muhammad Aslanlı) komandası ilə təmsil olunacaq.

Qeyd edək ki, yarışda ölkəmizlə yanaşı, Estoniya, Ukrayna, Polşa, Litva, Latviya komandaları da iştirak edəcəklər.