Azərbaycanın təyyarəçi qadınlarına həsr olunmuş açıq dərs keçirilmişdir
Bakı, 4 noyabr (AZƏRTAC). Azərbaycan Milli Elmlər Akademiyasının Milli Azərbaycan Tarixi Muzeyində təyyarəçi qadınlarımıza həsr olunmuş açıq dərs keçirilmişdir.
Muzeydən AZƏRTAC-a bildirmişlər ki, “Azərbaycan Tarixçiləri” İctimai Birliyi idarə heyətinin sədri Namiq Rüstəmovun UNİSER fərdi məktəbinin şagirdləri ilə keçirdiyi açıq dərsdə Azərbaycanda aviasiyanın tarixinə dair məlumat verilmiş, ölkəmizin ilk təyyarəçi qadınları olan Leyla Məmmədbəyova və Züleyxa Seyidməmmədova haqqında ətraflı danışılmışdır. Həmçinin təyyarəçilərimizin həyat yolunu əks etdirən foto və videokadrlar nümayiş edilmişdir.
Tədbirdə qonaq qismində Leyla Məmmədbəyovanın kiçik oğlu Xanlar Məmmədbəyov iştirak etmişdir.
Sonda şagirdlərə təyyarəçi qadınların fotoları və Leyla Məmmədbəyovanın 100 illiyi münasibətilə buraxılmış poçt markası hədiyyə olunmuşdur.
Bölmənin digər xəbərləri
