Azərbaycanın U-17 millisi Bosniya və Herseqovina yığmasına məğlub olub
Bakı, 25 mart, AZƏRTAC
On yeddi yaşadək qadın futbolçulardan ibarət Azərbaycan milli komandası Avropa çempionatının seçmə mərhələsi çərçivəsində bu gün növbəti oyununu keçirib.
AZƏRTAC xəbər verir ki, millimiz Bosniya və Herseqovinada keçirilən oyunda meydan sahibi ilə qarşılaşıb. Oyun 2:0 hesabı ilə Bosniya və Herseqovina komandasının xeyrinə başa çatıb.
Millimiz qrupda sonuncu oyununu martın 28-də Monteneqro komandasına qarşı keçirəcək.
Qeyd edək ki, seçməmiz ilk oyununda Qazaxıstan millisini məğlub edib - 2:0.
Bölmənin digər xəbərləri
