Azərbaycanın U-19 millisi Avropa çempionatında mübarizəni dayandırıb
Bakı, 25 mart, AZƏRTAC
On doqquz yaşadək futzalçılardan ibarət Azərbaycan millisi Avropa çempionatının əsas mərhələsi çərçivəsində bu gün sonuncu oyununu keçirib.
AZƏRTAC xəbər verir ki, futzalçılarımız Bosniya və Herseqovinada Yunanıstandan olan həmyaşıdları ilə qarşılaşıb.
Baş məşqçi İlqar Aslanovun yetirmələri 3:11 hesabı ilə məğlub olublar. Millimizin heyətində Rüfət Məmmədli, Fərid Abbasov və Şahbaz Həndəmli fərqləniblər.
Millimiz əvvəlki oyunlarında Fransa yığmasına 0:5, Bosniya və Herseqovina seçməsinə isə 1:4 hesabı ilə məğlub olub. Üç oyunun nəticəsinə görə, millimiz Avropa çempionatında mübarizəni dayandırıb.
Bölmənin digər xəbərləri
