Azərbaycanın üç cüdoçusu Avropa Kubokunda iştirak edəcək
Bakı, 13 oktyabr, AZƏRTAC
İspaniyanın Malaqa şəhərində cüdo üzrə böyüklər arasında Avropa Kuboku keçiriləcək.
Azərbaycan Cüdo Federasiyasının mətbuat xidmətindən AZƏRTAC-a verilən məlumata görə, yarışa 35 ölkədən 378 idmançı qatılacaq.
Azərbaycanı turnirdə Ramilə Əliyeva (48 kiloqram), Nərgiz Hacıyeva ( 57 kiloqram) və Südabə Ağayeva (70 kiloqram) təmsil edəcəklər.
Cüdoçulara qadınlardan ibarət yığma komandanın məşqçisi Elnur İsmayılov rəhbərlik edəcək.
Qeyd edək ki, yarış 14 - 15 oktyabrda təşkil olunacaq.
Bölmənin digər xəbərləri
