Azərbaycanlı alim beynəlxalq konfransın proqram komitəsinin üzvü seçilib
Bakı, 2 aprel, AZƏRTAC
İdarəetmə Sistemləri İnstitutunun laboratoriya rəhbəri, AMEA-nın müxbir üzvü Kamil Aydazadə Rusiyanın Omsk şəhərində keçiriləcək “Tətbiqi riyaziyyat və fundamental informatika” mövzusunda IX beynəlxalq elmi-praktik konfransın Proqram Komitəsinin üzvü seçilib.
Bu barədə AZƏRTAC-a institutdan məlumat verilib. Bildirilib ki, aprelin 22-dən 29-dək Omsk Dövlət Texniki Universitetinin təşkilatçılığı ilə baş tutacaq konfransın proqramına alimin rəhbərlik etdiyi laboratoriyanın əməkdaşlarının 1 plenar və 4 seksiya məruzəsi daxil edilib.
Konfransın onlayn rejimdə keçirilməsi nəzərdə tutulur.
Bölmənin digər xəbərləri
