Azərbaycanlı alim beynəlxalq konfransın proqram komitəsinin üzvü seçilib
Bakı, 3 iyun, AZƏRTAC
AMEA İnformasiya Texnologiyaları İnstitutunun şöbə müdiri, AMEA-nın müxbir üzvü, texnika üzrə elmlər doktoru, professor Məsumə Məmmədova sentyabrın 21-23-də keçiriləcək “Türk dillərinin kompüter emalı” IX beynəlxalq konfransın proqram komitəsinin üzvü seçilib.
İnstitutdan AZƏRTAC-a bildirilib ki, konfransın əsas istiqamətlərinə türk dilləri üçün formal modellər və proqram xidmətləri, kompüter sistemləri və terminologiyanın milli lokallaşdırılması, mətnlərin morfoloji və sintaktik emalı, türk və xarici dillərin tədrisi üçün “ağıllı” sistemlər və texnologiyalar, mətnlərin semantik emalı sistemləri və digər mövzular daxildir.
Bölmənin digər xəbərləri
